反思
June 2, 2012近來各網站(包括這裡)不斷賣不同的銀幣,大家會不會覺得吃不消呢?
有服務費收入,當然高興,這要感謝大家對 SCS 的信任。同時,我自己也是個收集銀幣的人,面對這樣排山倒海的推銷,也會感到有點迷失。每個人的財務狀況不同,自己也要想清楚有多少資金應該放在這個領域,是收藏是投資,目標要清楚。
我這樣提出只是希望大家(尤其新加入的)買幣買得興高采烈時,面對資金有限,銀幣品種無限的情況,想清楚自己的方向,不要人賣你就買,每年每月都有新銀幣推出,買不完的,所以最好想清楚收集目標才去買,例如:記念性的,藝術性的,動物,生肖,年份系列。收藏得成一個系統,可觀性就大增。
另外銀幣的流動性也較低,要賣出好價錢是不容易的,這點也要留意!
這樣寫出來,只是希望大家在收集銀幣時,有個目標,有個方向,路才可以走得更遠。
流動性太低係一個致命傷..資金不斷被鎖上. 不能套現…而且現在買得比以前容易. 小小的一安士每個幾百元. 不是人人可以花得起 ( 是每月的去買 ) . 所以現在當熱情冷卻後就開始考慮這個問題, 自己是需要甚麼 . 小弟現在不買溢價高的. 記住 . 這些幣講甚麼收藏價值都是空口說白話. 市場上根本沒有人和你接貨. 不信的話就去 yahoo 及各大拍賣網站看看吧 ! 網主, 我不是倒你生意, 我都係有幫你買的. 但是我發現越來越不對路…以往買下的按原價錢放都無人要. 大家醒覺吧 !
對呀!我寫得這篇文,就知道這是一個問題,這是大家要面對的!收藏一些自己喜歡的,自己看到高興的就好了。高溢價的要想清楚!
就像澳洲的厚龍年幣,有價但無成交的,所以大家小心啊!
根本絕大部份高溢價銀幣(OVER USD100)都係有價無市, SIZE上除左1oz外又係絕大部份有價無市, 所以收藏幣都係乖乖地自己收藏吧, 哈哈哈~
收藏幣要有入有出, 就一定要大路貨, 所以我收藏幣都以熊貓和生肖為主
寫出來只係想大家知道實際情況,繼而自己再作考慮。
Alex,Andy.
你們真有胆色,講晒我想講既野,只係我唔夠胆係人地做生意個blog到講,Ivan有氣量呀!
我又唔係壓住好多貨,又唔係等啲錢開飯,大家清楚明白所面對的現實,這樣下去才會長久。
講真唔係IVAN自己講先真係唔會講, 買收藏幣真係無問題, 鍾意的款買1~2個有什麼問題, 最緊要自己真係鍾意, 唔係人買我買, 最多當買多對鞋, 食多兩餐好, 千其要唔好當收藏幣黎炒當乜當乜, 千其不要將1萬幾千產量的小國幣當神拜, 如果入十幾廿個, (就算對住IVAN都係咁講, 萬一入錯貨, 真係可能要壓一年半載, 所以貴價收藏幣都係以半團購方式比較穩陣, 知道大家鍾唔鍾意, 收到一定的訂單先去馬) 無人買當廢銀溶左佢只能收回銀價
收藏幣,我一般只會收到大家的訂單才會訂回來,訂金也是會收的。
我知道咁講,可能倒自己米,或者倒左其他人米,只係希望大家唔好因為整天望住幾個 BLOG 而沉迷!如果發現自己沉迷了,幾日唔好睇金銀BLOG,自己就會醒了。
大家又係客人又係幣友!
呢個女神影得好靚,你攪到我有D想……………
我在一面放毒,一面叫人反思嗎?
哈哈哈~, 仲有無多個07女神, 我有少少鍾意左佢………..
你知就好,毒男
有生意唔做咩,不過又真係多一枚都無,可遇而不可求,我都係ebay買咋。
放呢張相,本來都唔係諗住要賣,但有幾個網友有興趣。
可想而知,影得靚係幾咁重要!我平時影得太頹了。
我以前經常一買就去 PM 訂, 隻隻都要 AUD 100 . 但後來慢慢發現點解咁貴. 不是應該跟銀價咩. 況且這些幣長賣長有. ebay 跟本無人會同你要. 現在手上那批就當蝕咗. 另一批年頭 2 月在 lpm 買的全部都要坐, HKD 320 / oz …我當放係床下底…………
你買左咩?
所以收藏幣好哈人買架!尤其係PM個D太大路啦,量又唔算少,我就唔同lisa姐,佢買俾仔女孫兒,唔係投資放售,大家方向唔同!
虎兄又話想買隻大龍擺廳威威?ivan而家做甘平,你威到出哂奶都唔怕蝕啦,仲唔出手!嘿嘿
HKD320/oz應該係投資幣囉, 跟銀價走就唔怕坐下先啦, 投資實銀都唔係跟短線啦
考虑中呢!
買咗 1 筒 Canadian Moose 和 三十多隻 ( 熊 + 狼 + 獅子 ) 成屋都係…哈哈哈
甘大劑!
投資幣我盡量都唔買溢價太高的,除非圖案有市場價值!
唔好俾佢地起點點!
奶點應該唔太關潮唔潮事, 我已經放入電子防潮箱, 濕度已經25~30%, 都有幾隻野生出奶點, 唉~
望落呢隻 2007 年又真係幾靚!