關於APMEX代訂
March 25, 2012看到網友 Samuel 在 Lisa blog 留言,認為 15% 是把網友當成水魚。本人最初訂15%並沒有把網友當成水魚之意,我最初的想法是偶然有一兩位網友想找個別一兩枚銀幣,如一枚灰熊,15%即是$40左右,比率可以說多,但實際數字又可以說不太多。如果一次過訂多的,都不用找我了。
我想聽聽大家意見,怎樣的範圍比較合理易接受呢?又或者作為coin club 一份子,代訂是應該免費呢?
香港精品銀幣專賣店
看到網友 Samuel 在 Lisa blog 留言,認為 15% 是把網友當成水魚。本人最初訂15%並沒有把網友當成水魚之意,我最初的想法是偶然有一兩位網友想找個別一兩枚銀幣,如一枚灰熊,15%即是$40左右,比率可以說多,但實際數字又可以說不太多。如果一次過訂多的,都不用找我了。
我想聽聽大家意見,怎樣的範圍比較合理易接受呢?又或者作為coin club 一份子,代訂是應該免費呢?
我唔知幾多%係好,不過在買家立場,如個幣溢價低加15%都係比多$40,其實係最應該不過,好合理,因賣家都要辛勞同承擔風險,不過當見到一些高價少少既幣,15%就會可能變成加百幾二百蚊,加完就覺得太貴。
我諗呢個係幣本身單價同買既數量問題,可能未必set死15%,而係個別定價,睇幣價同睇數量,至双方有利起見,不然若太貴也沒人肯買了。
少少意見~
你的說法比較近我的想法。小額既代訂,我訂金都不打算收。說來都只是三四百元。如果訂得多,千元以上,應該要減低費用,比較合理。我又無打算做到像旺旺上次團購的規模,本身我個blog都唔多朋友看。訂多的再逐個慢慢商量吧!
Ivan,
我唔想你地大家去競爭, 而想你地去合作, 因為香港賣靚幣的地方已好少 🙂
Chic Wong 說得好岩, 賣價唔可以 set 死, 要視乎幣的受歡迎度 !
你可以在呢度例出想賣的幣和價錢, 如岩的我一定會買或叫網友來睇 🙂
Ivan,
相信 Samuel 是按實例有話直說,純是以事論事。以網友利益的立場出發。
現在你參詳實例後,又肯考慮吓寬鬆處理,那就是多贏局面。
一則 網友利益 得到照顧、二則你又可以擴展吓服務群、三來其他網友可以合理價格得到更多選擇。
依例直說好像有點直接,但意見交流後有更好的運作,各方包括網友都會有得益。
謝各有心人努力。
對,我自己都期望一個多贏的局面。我也希望大家買得開心。
很好呀。
大家能坦白開誠討論,若不是那點坦率認真,他們也不能得到之前網友信任,團購、網聚都不會成功。
大家針對實例、數字研究,也是想保障網友而己。
你參考多方意見,採納其他提議,更理想了。
Ivan,
會與這個 Blog 的 setting 有關嗎?自從今天在此留言後,到所有 WP Blog 都自動出現我的 Email Address + Name。即便要 Sign in 的 Private WP Blog 也如是。乜嘢事呢?如果係有甚麼 “remember me” 之類的 function,可否幫我取消它?唔該晒。
Toki,
是妳自己部電腦記超D資料, 得妳下次不須再打咁麻煩 !
如果在下一個 wordpress 網 reply 時唔想用呢 D 資料, 可以自行刪去 🙂
Lisa,
原來係咁,但我已Delete晒所有 Temp files / history …, 而且上其他 WP 未試過咁,才問 Ivan。咁,Lisa 有冇辦法取消它?如有,可否直接 email我 ?
Ivan,
電腦知識有限,打搞到你,唔好意思。
唔好咁講。我今朝睇過WP個config,搵唔到類似既選項,好在Lisa知道,如果唔係唔知點幫你搞。
因為lisa除左係金銀幣達人,仲係電腦達人,哈哈哈
Toki,
是妳本身電腦先見到, 去第二部機度就唔會有問題啦 🙂
Lisa,
Oh I C. 咁同我 share 機嘅人要容忍下啦。唔該晒。
Chic,
係囉,不過 令Ivan 個 blog 變埋電腦咨詢網添。
Ivan,
我昨日不時入你 blog check 個 email 是否還出現,打搞晒、打搞晒 (唯一貢獻是流量吧?:P)。以後就睇幣及Post 先入嚟啦。
這裡很隨便的。
我仲想整個poll睇下邊隻bullion大家最想要。
Ivan,
都好呀 🙂
個 D Somali 大笨象和虎年龍年兔年, 如果價錢合理都會多人買的 !
其實你唔一定要同 silver-pocket 賣同一樣的幣 !
無錯!最好多的靚幣開下眼界,大家夾手夾腳儲多的正野:)